DATGANIAD YSGRIFENEDIG

GAN

LYWODRAETH CYMRU

TEITL	Y Grŵp Rhyngweinidogol ar gyfer Masnach
DYDDIAD	11 Rhagfyr 2023
GAN	Vaughan Gething AS, Gweinidog yr Economi

Yn unol â'r cytundeb ar gysylltiadau rhyngsefydliadol, rwy’n rhoi gwybod i'r Aelodau imi fod yn bresennol yng nghyfarfod y Grŵp Masnach Rhyngweinidogol ar 29 Tachwedd.

Hefyd yn bresennol yn y cyfarfod yr oedd:

· Y Gweinidog Hands – Gweinidog Gwladol dros Bolisi Masnach, yr Adran Fusnes a Masnach, Llywodraeth y DU (MH)

· Y Gweinidog Lochhead – Gweinidog Busnesau Bach, Masnach ac Arloesi, Llywodraeth yr Alban

· Y Gweinidog Barker – Gweinidog Gwladol Gogledd Iwerddon

· Y Gweinidog Jones  – Gweinidog Gwladol Cymru

Y Grŵp Rhyngweinidogol ar gyfer Masnach yw’r prif fforwm ar gyfer trafod materion polisi masnach rhwng Llywodraeth y DU, Gweithrediaeth Gogledd Iwerddon, Llywodraeth yr Alban a Llywodraeth Cymru.

Yn y cyfarfod, buom yn trafod y paratoadau ar gyfer cynhadledd gweinidogol nesaf Sefydliad Masnach y Byd (MC13), yn ogystal â'r ymwneud rhwng y llywodraethau datganoledig a llywodraeth y DU yng nghyswllt y trafodaethau am Femorandwm Cyd-ddealltwriaeth gyda’r Unol Daleithiau.